Nace unha web que ofrece películas subtituladas na nosa lingua

Se o que vos gustan son as series, documentais e películas americanas, pero o voso dominio do idioma non vos permite gozar delas, podedes velas subtituladas en galego grazas á iniciativa de dous estudantes de primeiro curso do Grao de Enxeñería Informática da USC.

A páxina que veñen de poñer en marcha: subtitulosengalego.com, está en fase de desenvolvemento e conta, de momento, cun número reducido de títulos; entre eles:  Rounders, Ghost ship, Slumdog millionaire, Resident Evil 3, Avatar ou O Padriño.
Parabéns aos responsables por esta fantástica iniciativa que, de seguro, ha ser celebrada por todos os cinéfilos que gustan das versións orixinais subtituladas.