Imaxinades como sería a historia de amor de Romero e Xulieta con teléfonos móbiles e Tuenti? O alumnado do IES A Cachada de Boiro, si. Eles están a representar Amores prohibidos 2.0, unha particular adaptación da obra de Shakespeare, baixo a dirección da compañía teatral Chévere.
Como no orixinal, a historia desenvólvese en cinco días, contados agora en tempo real a través das redes sociais, e poderedes interactuar cos actores e actrices e mesmo cambiar a historia.
A trama comezou hoxe, como ditou o dramaturgo inglés, coa festa de aniversario dos quince anos de Xulieta (aquí, Xiana), unha festa diferente das habituais na que hai Montescos que falan castelán e Capuletos que optan polo galego...
Tuenti, Youtube ou o espazo habilitado pola rede Nasa http://redenasa.tv/es/amores-prohibidos/ permitiranvos seguir durante toda a semana as venturas e desventuras destes dous amantes modernos.
No hay comentarios:
Publicar un comentario