Chulas de cabaza

Sergio Manteiga Sánchez, de 1º ESO A, déixanos unha recita propia destas datas:

 

Ingredientes:

- 1kg. de polpa de cabaza

- 200grs. de fariña

- 250 grs. de azucre

- 6 ovos

- Aceite de xirasol

- Un chisco de sal

- Azucre moído ou canela

 

Preparación:

Cortar a cabaza en cachos grandes e cocela en auga fervendo con sal (uns 10 ou 15´). Quitala e poñela nun coador grande. Cando arrefríe, aplastala coa man para que solte a maior cantidade de líquido posible. Bater os ovos co azucre, mesturar a fariña e bater ben. Engadir a cabaza e picar todo coa batedora, ata conseguir unha masa líquida e homoxénea. Preparar un prato ou fonte cuberta con papel de cociña. Nunha cazola baixa ou tixola poñer a quentar a lume medio bastante aceite. Logo ir fritindo pequenas cantidades de masa botándoas no aceite cunha culler. Cando estean ben fritidas, sacalas e deixalas sobre o papel de cociña para que perdan o aceite sobrante.

Servilas mornas, botándolles azucre moído ou canela por riba.