RecitandoCelsoemiliO

Recitamos a Celso Emilio. Esta semana comezou a gravación polas aulas e talleres do noso centro e o mércores 12 do 12 do 2012 remataremos cun recitado colectivo do alumnado de 1º e 2º ESO. 

Son moitos os centros de Galicia que se sumaron á homenaxe promovida pola CGENDL para conmemorar o centenario do nacemento dunha das figuras senlleiras da nosa literatura. Todos, neste acto colectivo, queremos simbolizar a forza e enerxía que transmite a palabra de Celso Emilio Ferreiro, símbolo permanente de valores de solidariedade e xustiza universais, pero tamén de compromiso cívico coa cultura e a lingua de Galicia.