Facer un alto en época de exames para ir ao teatro sempre é unha boa opción. Esta fin de semana Talía Teatro estrea no Rosalía de Castro da Coruña unha obra que os curtienses non podemos deixar de ver: Foucellas.
Dosier da obra
Dosier da obra
Do personaxe histórico, deixábanos Uxia Iglesias Reviejo unha recensión na axenda escolar do curso pasado. Dicíanos o seguinte:
BENIGNO
ANDRADE ”O FOUCELLAS” 1908 – 1952
O
Foucellas, nado en Cabrui, no concello de Mesía, foi un dos guerrilleiros
anti-franquistas máis importantes da contorna. Estudou na escola da localidade
e dende moi novo traballou no campo, nunha leitaría e nas minas de carbón de
Fabero, no Bierzo.
Cos seus
22 anos, participou na fundación da célula comunista de Curtis e no 1936,
tralo levantamento militar que orixina a
Guerra Civil, diríxese, xunto con outros moitos guerrilleiros, cara á Coruña en
apoio das forzas leais á República, mais cando chegan, a cidade xa está tomada
polos nacionais, polo que decide botarse ao monte para salvar a súa vida da
dura represión franquista. Durante a loita, forma parte da IV Agrupación
Guerrilleira de Galiza.
No ano
1945 o Foucellas férese involuntariamente e non se incorporará á loita armada
ata o 1947, ano no que matan ao tamén guerrilleiro Manuel Ponte, un dos máis
activos do país. Un ano máis tarde, son executados Seoane e Gómez Gayoso e
estas mortes tradúcense nunha diminución da actividade do Foucellas. No
entanto, para as autoridades franquistas a súa captura converterase nalgo
obsesivo.
No 1952, a
Garda Civil detén ao mesiense en Oza dos Ríos, onde permanecía agochado nunha
cova-refuxio, xúlgano sumariamente e execútano a garrote vil no cárcere da
Coruña. Os seus restos repousan nunha foxa común da cidade.
Uxía
Iglesias Reviejo, 2º Bacharelato
No hay comentarios:
Publicar un comentario