Através da plataforma Change.org o estudantado do IES Ponte Caldelas está a desenvolver unha campaña de recollida de sinaturas coa que reclaman á Consellaría de Educación introducir a Historia do Feminismo no currículo escolar, así como as mulleres en todos os campos de coñecemento.
Le a nova en Sermos Galiza.
A Historia, a
Filosofía, a Ciencia que se nos aprende no ensino obrigatorio é a dos varóns e
faise extensiva ao relato da Humanidade. Autores, citas, imaxes, mapas
conceptuais, feitos históricos, sempre aluden ao home como representante da
nosa especie, desde o primeiro gráfico da evolución da Humanidade, nos libros
de Ciencias Sociais de Primaria, ata as materias máis específicas que se cursan
no nivel de Bacharelato. Nós sabemos que isto non é así: as mulleres sempre
contribuíron ao progreso das ideas, das ciencias, da tecnoloxía e as artes en
todas as épocas. Pero cando rematamos o noso período de ensino obrigatorio – e
son 10 anos de formación- seguimos descoñecendo os seus nomes e as súas
achegas.
Consideramos, por
tanto, que existe un grave desleixo na
revisión dos programas académicos do ensino.
Agóchasenos a metade da Historia da Humanidade, tanto da que xa pasou,
como da que está a suceder agora mesmo. Só se renovan algunhas imaxes nos
libros de texto, pero o discurso non muda. Secuéstrasenos parte fundamental do
coñecemento da nosa especie, o que contribúe a que nos formemos nunha escala de
valores que nos fai inexorablemente machistas. E temos dereito a que se nos
eduque na igualdade de xénero pero tamén na equidade de información.
Por iso, solicitamos
con esta petición, que se inclúa obrigatoriamente, no ensino obrigatorio a
Historia do Feminismo e a Muller en todos os campos de coñecemento. Queremos
acceder a unha formación académica e intelectual acorde co retrato integral da
nosa especie, no que mulleres e homes aparezan no mesmo plano de
importancia. Queremos que os nosos
estudos nos procuren formación e instrumentos para construír e vivir nunha sociedade
máis igualitaria.
No hay comentarios:
Publicar un comentario