Mencía Corral, de 4º ESO, recoméndanos esta semana unha peza ben interesante, baseada no poema de Curros.
Título: Nouturnio de Celanova
Director: Raúl García
Produtor: AGADIC
Ano: 2009
Sinopse:
A curtametraxe representa o poema "Nouturnio” do escritor galego Manuel Curros
Enríquez.
Conta a
historia dun vello que, tras quedar viúvo, sen casa e sen nada, vese obrigado a
fuxir. Comeza unha nova vida rodeada de tristeza e escuridade. No camiño atopa
un compañeiro que lle canta cada noite, mentres el clama por unha xustiza que non lle ofrecen os ceos nin a terra.
Podes ver o vídeo completo no Soportal do Audiovisual Galego
Da aldea
lonxana fumegan as tellas;
detrás dos
petoutos vai póndose o sol;
retornan prós
eidos coa noite as ovellas
triscando nas
beiras o céspede mol.
Un vello,
arrimado nun pau de sanguiño,
o monte
atravesa de cara ó pinar.
Vai canso;
unha pedra topou no camiño
e nela
sentouse pra folgos tomar.
- ¡Ai! dixo,
¡que triste,
que triste que
estou! -
I on sapo que
oía
repuxo:-¡Cro,
cro!
queimóuseme a
casa, morreume a muller;
ardeume a xugada
na corte i a besta,
na terra a
semente botouse a perder.
Vendín pros
trabucos bacelos e hortas
e vou polo
mundo de entón a pedir;
mais cando non
topo pecháda-las portas,
os cas sáienme
a elas e fanme fuxir.
Canta, sapo,
canta:
ti i ei ¡somos
dous!...
I o sapo,
choroso,
cantaba:
-¡Cro, cro!
Soliños
estamos antrambos na terra,
mais nela un
buraco ti alcontras i eu non;
a ti non te
morden os ventos da serra
i a min as
entranas i os ósos me ron.
Ti, nado nos
montes, nos montes esperas,
decote
cantando, teu térmeno ver;
eu, nado entre
os homes, dormento entre as feras,
e morte non
acho, si quero morrer.
Xa tocan...
Recemos,
¡que dicen que
hai Dios!...
El reza i o
sapo
cantaba:
-¡Cro, cro!
A noite
cerraba, i o raio da lúa
nas lívidas cumes
comenza a brilar;
curisco que
tolle nos álbores brúa
i escóitase ó
lexos o lobo ouvear.
O probe do
vello, cos anos cangado,
erguese da
pedra i o pau recadou;
virou para os
ceos o puño pechado
e cara ós
touzales rosmando marchou...
Cos ollos seguíndoo
na escura
extensión,
o sapo
quedouse
cantando:
-¡Cro, cro!
E aquí podemos escoitar o poema de Curros na voz de Pucho Boedo e os Tamara
E aquí podemos escoitar o poema de Curros na voz de Pucho Boedo e os Tamara
No hay comentarios:
Publicar un comentario