Durante a primeira infancia, a familia na que un neno ou unha nena medra
é a influencia máis directa e importante no seu desenvolvemento,
compartindo no momento da súa escolarización a
responsabilidade educadora coa escola. Neste contexto, existe un
crecente interese por estudar o impacto que teñen as variables
estruturais familiares na aprendizaxe nos primeiros anos de vida e
identificar os preditores do rendemento escolar. Na súa tese de
doutoramento, a psicóloga María Martiña Eslava estudou
en profundidade as variables de carácter contextual familiar que
interveñen e/ou condicionan o desenvolvemento e a aprendizaxe adquiridos
polo alumnado de tres a seis anos.
No hay comentarios:
Publicar un comentario