A partir da Candeloria, ningunha ave voa soa.
Pola Candeloria, metade do inverno vai fóra; se chora ou venta, inda entra.
Hoxe, 2 de febreiro, é a festa da Candeloria, esmorece o inverno e casan os paxaros. A Candeloria é unha modesta celebración relixiosa, cargada de simbolismo, que consiste en levar velas á misa para que o crego as bendiga. "Noutros tempos estas candeas eran utilizadas para ser postas nas mans dos moribundos coma símbolo de protección cristiá no tránsito á outra vida", explican en Galicia Espallada. A candeloria era considerada tradicionalmente coma un preludio da chegada da primavera e con ela o renacer da natureza. Dicíase que era a época do casamento dos paxaros e para os mariñeiros tamén era o comezo da navegación despois da longa espera no período invernal. Vexan tamén o artigo da revista Setestrelo, que leva parada medio ano, desafortunadamente.
Información extraída de Vieiros (2 de febreiro de 2004)
No hay comentarios:
Publicar un comentario