Son curtas: Os defuntos falaban castelao

Mencía Corral Ares, de 4º ESO A, recoméndanos unha curtametraxe moi acaída para a data.

 

Título: Os defuntos falaban castelao

Director ou directora: Tomás Conde e Virginia Curiá

Produtora: Emilia Neira e José Mª Suárez

Ano: 2000

Sinopse:

Era unha aldea de poucos veciños e alí todos se coñecían. Aquela noite non era coma as do resto do ano, aquela era diferente, era a de defuntos. Pola tarde, uns homes, cansos de traballar, achegáronse á taberna para cear. Sen que ninguén contara, por alí apareceu outro home de rostro pálido, o que indicaba que algo o preocupaba. Os demais non tardaron nada en preguntar polo seu estado. Este contoulles que viña do cemiterio e, que estando alí, escoitara falar aos defuntos e, por se iso non fora abondo, falaban o castelao! A xente da tarberna botouse a rir sen crer unha palabra. Os máis valentes quixeron comprobar se aquela historia era certa e aló foron.

Aínda a día de hoxe, pode que sigan pensando que descubriron a verdade, pero, en realidade, nin eles mesmos saben con exactitude o que aconteceu esa noite.