Grazas, máis unha vez, a Alicia Seoane Freire, autora desta entrada, pola colaboración e o bo facer. Tamén a Cristina Brión e Esther Nouche, profesoras de Arte e Matemáticas.
O pasado luns, 23 de novembro, os alumnos e alumnas de bacharelato do IES de
Curtis tivemos o enorme pracer de ter connosco a Pilar García Agra,
boimortense licenciada en Matemáticas, hoxe mestra no IES nº 1 de
Ordes, e membro da directiva de AGAPEMA (Asociación Galega de Profesorado de
Educación Matemática).
Sabes
que existe un número máxico que está presente nunha gran cantidade
de elementos da natureza? O número áureo, número de ouro, ou
“número do demo” como ela mesma o denominou, é a proporción
que gardan entre si dous segmentos de rectas.
Atópase
na natureza, por exemplo na distribución dos pétalos das flores, no
grosor das ramas secundarias en relación coas principais nunha
árbore, na cantidade de espirais dunha piña, na distancia entre o
embigo e a planta dos pés dunha persoa, na distancia entre as
espirais dun caracol... pero tamén en figuras xeométricas, xa que
en realidade a súa orixe é matemática.
Ten
relación coa estética, polo que ten tamén presenza na arte.
Moitos arquitectos, pintores e escultores decidiron empregalo para a
creación das súas obras dende a Antigüidade. Exemplos disto son as
portas da Catedral de Santiago, a Pirámide de Keops, o Partenón, o
Templo de Ceres, a Tumba Rupestre de Mira, a escaleira de Bramante, a
Gioconda, O Nacemento de Venus, As Meninas...
Os
famosos violíns Stradivarius están construídos con esas
proporcións.
Pila, como a coñecen os seus achegados, falounos
tamén da curiosa secuencia de Fibonacci e a súa relación co número
áureo, e por último, dos fractais, que consisten en obxectos
xeométricos cuxa unidade básica é semellante a el. Dise que
a propia costa galega é un fractal.
Tamén podemos atopar fractais na tecnoloxía e na música electrónica. Eles
son os que conseguen, por exemplo, que un vídeo ocupe moitísimo
menos que unha simple foto. Incrible!
Grazas, Pila, pola túa amena, interesante e entretida intervención. Con ela conseguiches que, como mínimo, nos reformulemos a habitual división entre Ciencias e Letras.
No hay comentarios:
Publicar un comentario