III CERTAME FOTOGRÁFICO MIRA A TÚA CONTORNA

O ENDL do IES de Curtis convoca o terceiro certame fotográfico dun proxecto plurianual que pretende dar a coñecer o patrimonio paisaxístico, medioambiental e artístico da nosa contorna.

BASES

1. Participantes. Poderá concursar calquera membro da Comunidade Educativa que presente unha obra inédita e que non fora premiada ou seleccionada noutros certames.

2.  Tema. O tema da edición 2015 é a paisaxe, tanto a natural como aquela que reflicte a incidencia da actividade humana sobre ela.

3.   Datos técnicos.

·  As fotografías poderán ser en branco e negro ou en cor

·  Presentaranse en formato dixital JPG ou TIFF, coa máxima calidade

·  O número de imaxes por participante é ilimitado

·  Acéptanse retoques fotográficos, pero non fotomontaxes

4.  Prazo de entrega. O prazo límite de entrega é o 12 de xuño.

5. Presentación. Deberán enviarse por correo electrónico ao enderezo sondenoso.paisaxe@gmail.com. Xunto coa imaxe achegarase un arquivo no que figuren o nome e apelidos da persoa que a envía e curso ou estamento ao que pertence no seo da Comunidade Educativa.

6.  Premio. O gañador ou gañadora recibirá unha tableta dixitalizadora. A fotografía imprimirase en formato 30x50, enmarcarase e pendurarase nun lugar visible do centro xunto co nome do autor ou autora e o curso académico ao que pertence.
    Co conxunto das imaxes presentadas realizarase unha exposición.

7.  Xurado. Estará constituído por seis membros do profesorado e alumnado do IES de Curtis. O premio poderá ser declarado deserto ou, se pola contra a calidade dos traballos o require, engadirse accésits.