ITH
vén de quitar novo disco, Forte,
xa á venda dende hai dúas semanas e Rosalía Rico, de
2º ESO A, aproveita para falarnos da banda.
ITH
é un grupo de rock de Mesía – Xanceda e arredores que leva
tocando música en galego dende hai máis de trece anos. O seu propio
nome recorda a Galicia xa que provén da lenda dun dos fillos de
Breogán, Ith, que tentou conquistar Irlanda. Nos seus inicios
contaban coa formación de Miguel e Pablo que tocaban a guitarra,
Toxo o baixo e Folgueira a batería. No ano 2009 uníronse ó grupo
dúas rapazas (Thais (voz) e Rita (teclado e coros) pero actualmente
fórmano Folgueira, Toxo, Miguel, Gonzalo e Lucía.
Teñen
cancións de rock e heavy pero tamén outras que se achegan máis ao
pop, todas e cada unha delas de composición propia e en galego. Hai
máis dunha canción que me gusta, pero sen dúbida, a que máis é
“As leis dos raposos”.
Nestes
anos de traballo e esforzo xa contan con tres maquetas no seu
historial, cun disco gravado en directo, cun CD en acústico e cun
DVD en vivo. Ademais, nas súas numerosas actuacións tiveron a sorte
de compartir cartel con grandes bandas do panorama galego, como son
Los Suaves ou Celtas Cortos, dous grupos de rock moi
coñecidos.
Algunhas
das actuacións máis destacadas foron no Festival Teixeiro Rock
(xullo 2009), compartindo cartel con Los
Suaves
e O
Sonoro Maxín,
tamén na Festa da Troita de Sobrado dos Monxes (agosto 2009), xunto
con Celtas
Cortos,
ou nunha nova edición do Festival Teixeiro Rock (xullo 2011) con A
Palo Seko
e Segismundo
Toxicómano.
Tamén na Concentración Moteira de Curtis, onde actuaron xunto ao
grupo Riff
Raff
de Ferrol co cal coincidiron tamén no I Festival de la Luz en
Boimorto (setembro 2012).
A
música de ITH está baseada noutros grupos de rock, pop e heavy.
Cada integrante do grupo achega as súas ideas para que as súas
cancións teñan un moi bo resultado, e ata agora, con éxito.
No
ano 2011 no concello de Ames realizouse un concurso de música en
galego, Millarock, ó que se presentaron dez bandas, e entre elas
ITH. O concurso trataba de que cada banda tocase e cantase dúas
cancións en galego, e como non, ITH resultou ser o grupo gañador.
Actualmente
seguen traballando en novos temas e ensaiando nun “estudio”
restaurado por eles en Curtis.
Desgraciadamente,
por culpa da crise non teñen moitas actuacións pero seguen
traballando día a día para medrar
e mellorar. "Cada
día nacemos un pouquiño máis e intentaremos ir mellorando a cada
paso"
afirmaban así nunha entrevista.
Longa
vida, ITH.
Acabo de ver isto. Que ben que dende a educación secundaria se faga un guiño ao rock en galego! Moitas grazas!!!
ResponderEliminarMil grazas a vós, por facer música de calidade na nosa lingua. Seguiremos tentando crear afección e canteira!
ResponderEliminar