O pasado 27 de xaneiro o departamento de Lingua Galega
organizou unha saída a Santiago de Compostela para o alumnado de segundo
ciclo da ESO.
Acompañados por catro profesoras, asistimos a unha representación a cargo da
compañía de teatro Thalía. A obra, Bicos
con lingua, era unha reflexión en
clave de humor sobre a realidade do
galego. Presentaron diferentes
situacións da vida cotiá nas que deixamos de falar a nosa lingua cando cremos
que non ten o suficiente prestixio para tratar co noso interlocutor, por pensar
que o castelán é máis fino ou para
parecer máis cultos. O obxectivo da obra
é facernos reflexionar sobre a riqueza da nosa cultura e o fermoso léxico que
posúe a nosa lingua e que recolle, basicamente,
a nosa identidade.
Logo de saír do teatro,
desprazámonos á Cidade da Cultura. Alí
puidemos contemplar unha interesante exposición, Cinegalicia25 que conmemora
o vinte e cinco aniversario da estrea das
consideradas como as tres primeiras longametraxes de ficción galega: Sempre Xonxa de Chano Piñeiro, Continental de Xavier Villaverde e Urxa de Carlos A.L. Piñeiro e Alfredo
García Pinal. Explicáronnos a traxectoria da televisión e do cinema nos últimos
vinte e cinco anos como parte da nosa cultura. Ademais das longametraxes
mencionadas atopamos paneis audiovisuais sobre A lingua das bolboretas, Pradolongo.
O Apóstolo…Tamén tivemos a oportunidade de acceder a información sobre series televisivas como Pratos
combinados, Matalobos ou O Faro, entre moitas outras. A algúns ata nos deu tempo a fotografarnos cos famosos…
combinados, Matalobos ou O Faro, entre moitas outras. A algúns ata nos deu tempo a fotografarnos cos famosos…
Brenda Pérez Rodríguez 4º ESO B
No hay comentarios:
Publicar un comentario