"Co sombreiro ancho e un foucín na man, estamos dispostas. É tempo xa de sega, de apañar o que outras sementaron, facer as gavelas, debullar o gran e facer algo útil da palla. É hora de que o oficio adquirido cos sólidos vimbios do estudo e da análise crítica saia a que lle dea o sol na cara".

Con estas palabras comeza o manifesto d´A Sega, unha plataforma de crítica literaria feminista que acaba de nacer. O seu obxectivo principal é visibilizar as obras escritas por mulleres e realizar novas lecturas da literatura en lingua galega.