Gaiteiros e gaiteiras do IES de Curtis, sumámonos á Alborada a Rosalía?

Con motivo do 150 aniversario da publicación de Cantares Gallegos de Rosalia de Castro, a Fundación Rosalía de Castro, a Real Academia Galega, a Asociación de Gaiteiros Galegos e a Universidade de Vigo organizan distintos actos para a conmemoración desta data.

Entre elas, a Alborada para Rosalía. Para iso convocan a todos os gaiteiros e gaiteiras de Galicia a que na mañá do 24 de febreiro saian ás rúas, camiños, prazas e lugares simbólicos para botar unha peza na honra da poeta. Recomendan espallar unha octavilla co manifesto, que explica o motivo e razón da iniciativa.

Para a homenaxe colectiva as persoas participantes gravarán a intrepretación dunha peza ou outras actividades que se espallarán nas redes sociais.

Aquí podedes ver todos os detalles da convocatoria. Apuntámonos? 

E para que todos saiban que hoxe a gaita galega non chora, que canta luns 25 durante o recreo no patio cuberto, podemos repetir a actuación para o conxunto da Comunidade Educativa. 

Partitura 

Texto do Manifesto

Letra da Alborada, por se alguén tamén quere cantala 

Significado da peza Alborada para Rosalía 

Historia da música da Alborada