A rede ferve, ateigada de iniciativas para celebrar o 50 aniversario do Día das Letras Galegas. Manifestos, reportaxes sobre a situación que está a vivir a lingua, propostas varias para facer chegar o galego a todos os recunchos, e concursos, moitos concursos. Algúns xa remataron e outros están a piques de facelo. Mantéñense ata o 17 os seguintes:
Lingua de namorar. Convocado pola SXPL e a Dirección Xeral de Xuventude. Cómpre mandar unha mensaxe de amor en prosa ou verso non superior a 350 caracteres. Os premios son substanciosos e se non te animas a participar, podes votar na elección dos gañadores ata finais deste mes.
Adiviña @s autor@s. Proposto por Galegolab co fin de fortalecer o uso das redes 2.0 e o coñecemento dos autores e autoras homenaxeados no Día das Letras.
Redeseña o logo de Cabozo. Iniciativa convocada por Galegolab e a rede social galega Cabozo. O deseño gañador será a cabeceira de Cabozo ata finais de mes.
Outras iniciativas promovidas por Galegolab que non son concurso, pero responden aos mesmos fins cós anteriores son:
Lectura global en Youtube, tamén de Galegolab. Consiste na achega dunha peza audiovisual de gravación propia na que deamos lectura a un poema ou algún fragmento dunha obra dos autores homenaxeados ao longo destes 50 anos. Aquí podes ver algunhas das pezas presentadas.
Agasallo sincronizado para o mundo, do que demos conta neste blog en días pasados.
Anímate e participa que aínda estás a tempo!
No hay comentarios:
Publicar un comentario