Mañá xoves, 16 de maio, no segundo recreo plantarase unha árbore en memoria do autor ao que se dedican as Letras 2013. A alumna Lara Ayerbe
(4º ESO B) e Noelia López Sánchez (2º ESO B) oficiarán o acto. Nesta
homenaxe farase lectura do texto que Manuel Lourenzo escribiu e leu no
enterro de Roberto Vidal Bolaño. Este é:
“Pagou a pena ter collido o carro do teatro, porque
nel tamén ías ti, Roberto. Pagou a pena ter montado no carro da
vida, porque nel tamén viaxabas ti. Jean-Paul, cando era novo, dixo:
“A vida é unha paixón inútil” Resulta evidente que non te
coñecía, Roberto. A túa paixón foi a túa vida. E esa paixón é
hoxe a túa inmortalidade. Décheste aos demais, á túa tribo humana
e galega con ardor, sen avaricia, mesmo ás veces con fecundo exceso.
Entregácheste enteiro, sementaches coas túas propias mans,
mereciches a terra e conquistaches unha gloria que ninguén che vai
negar. Así é que non ficamos orfos. Estamos plenos de ti,
orgullosos de portar a túa forza, bautizada no caldeiro da memoria,
e de plantala no futuro, para que renaza flor e canto, e se preciso
for para que haxa primavera, coio e lapa
Non
choredes. Recollei a tea. Espallai o lume”.Ficas convidada -o
No hay comentarios:
Publicar un comentario